Қазақстан халқына Жолдауында Президент Қасым-Жомарт Тоқаев зейнетақы жүйесін қайта жүктеу қажеттігін мәлімдеді. Осыған байланысты әйелдер үшін зейнетақы жасы 2028 жылға дейін 61 жас деңгейінде айқындалады. Сонымен қатар, базалық зейнетақы мөлшерлемесі біртіндеп артады.
Президент: «Зейнетақының ең төменгі базалық мөлшерлемесін ең төменгі күнкөріс деңгейінің 70%–ына дейін, ал ең жоғарғы мөлшерлемесін 120%-ға дейін дәйекті түрде жеткізу керек. Бұған дейін қабылданған шешімдермен бірге бұл 2025 жылға қарай жиынтық зейнетақыны орта есеппен 27%-ға ұлғайтуға мүмкіндік береді» деді.
Президент шешімді жоғары әлеуметтік сұраныспен, қарапайым тілде айтқанда, халықтың талабымен түсіндірді.
Сондай-ақ, мемлекет басшысының мәлімдемесі бойынша Бірыңғай жинақтаушы зейнетақы қорының тиімді инвестициялық стратегиясын әзірлеу қажет. Жүйеге беделі жақсы жеке компанияларды тарту қажет.
Сондай-ақ, 2023 жылдың 1 қаңтарынан бастап ең төменгі жалақы мөлшері артады. Жаңа АЕМ мәні - 70 000 теңге. Бұл да болашақ зейнетақыны ұлғайтатын болады.
