HeadHunter онлайн-жұмыс іздеу және персоналды іріктеу платформасының мамандары жұмыс орындары мен түйіндемелерді үнемі талдап отырады, қай салада мамандар қажет, қайсысы артық екенін анықтап, еңбек нарығының құрылымы туралы қорытынды жасайды. Сәуір-маусым айларындағы соңғы деректер жұмыс берушілердің ұсыныстарының өсуі жеделдегенін көрсетеді.
2022 жылдың екінші тоқсанында жұмыс берушілер алдыңғыға қарағанда 16,6% артық бос жұмыс орындарын орналастырды. Олардың саны 110 000-нан асты.
Орналастырылған бос орындар бойынша көшбасшы қалалар – Алматы (Қазақстандағы барлық бос орындардың 40,9%), Нұр-сұлтан (20,6%), Қарағанды (5,7%).
Ақсай (+85,7%), Жезқазған (+35,2%) қалаларында компаниялар белсенді түрде өсіп келеді. Бос орындар санының төмендеуі еш жерде тіркелген жоқ.
Жұмыс іздеушілерге келетін болсақ, республиканың шамамен 500 000 тұрғыны жұмыс іздеумен айналысқан. Екінші тоқсанда түйіндеме санының бірінші тоқсанға қатысты өсуі 85,5% құрады. Түйіндеменің ең көп саны Алматы (40,1%) және Нұр-сұлтан (19,4%) қалаларында тіркелген.
Жұмыс іздеушілер арасында ең көп таралған мамандықтар:
- сату менеджері;
- сатушы-кеңесші;
- есепші;
- әкімші;
- жүргізуші;
- мұғалім;
- даяшы;
- курьер;
- бағдарламашы;
- кол-орталық операторы.
Түйіндеме мен орналастырылған бос жұмыс орындарының арақатынасы бойынша еңбек нарығындағы бәсекелестік деңгейі артып келеді деп айтуға болады. Коэффициент екінші тоқсанда 8,3% ұлғайды және 5,2-ні құрады. Бұл бір бос орынға шамамен 5 адам үміткер екенін білдіреді.
Қазақстанда тоқсан сайын орташа жалақы 1,25%, яғни 243 000 теңгеге дейін өсті. Ең жоғары жалақыны Нұрсұлтан (281 000 теңге), Алматы қаласында (248 000 теңге) ұсынады.
Бос жұмыс орындарының ең үлкен өсімі туризм, көлік, үй қызметкерлері, шикізат өндіру, өндіріс және ауыл шаруашылығы, құрылыс салаларында байқалады. Төмендеу тек автомобиль бизнесі саласында болды.
