Әлеуметтік тұрғыда қорғалмаған азаматтардың табысы инфляцияның әсерінен құнсызданбауы үшін әлеуметтік төлемдер жыл сайын индекстеледі. Индекстеу жыл соңында жүргізіледі. ҚР Премьер-Министрі Әлихан Смайылов Мемлекеттік қордан төленетін әлеуметтік төлемдерді арттыру туралы қаулыға қол қойды.
Kapital.kz құжаттан үзінді келтіреді: «2023 жылғы 1 қаңтардан бастап Мемлекеттік әлеуметтік сақтандыру қорынан 2023 жылғы 1 қаңтарға дейін тағайындалған еңбекке қабілеттілігінен және асыраушысынан айырылу жағдайлары бойынша төленетін әлеуметтік төлемдердің мөлшері алынатын әлеуметтік төлемдер мөлшерінен 8,5%-ға арттырылсын».
Қазақстанда 2023 жылдан бастап басқа әлеуметтік төлемдер де өседі. Осылайша, келесі жылдан бастап айлық есептік көрсеткіш 3 450 теңге, ең төменгі жалақы мөлшері 70 000 теңге болады. Оның үстіне ең төменгі жалақы мөлшері де Президент жарлығымен көтеріледі. Тоқаев сонымен қатар халықтың сұранысына сай ең төменгі жалақы мөлшерін көбейтуге мүмкіндік беретін әдістеме әзірлеуді ұсынды.
Дереккөз:
https://kapital.kz/
