2022 жылдың бірінші тоқсанында реттелетін коммуналдық қызметтер қымбаттаған жоқ. Оның үстіне, бағалар тіпті 0,5%-ға төмендеді, деп хабарлайды Ranking.
Тұрғындар үшін реттелетін коммуналдық қызметтердің (сумен жабдықтау, су тарту, электрмен жабдықтау, жылумен жабдықтау, газбен жабдықтау) бағасы 2021 жылғы желтоқсан деңгейінде қалып отыр, өйткені Табиғи монополияларды реттеу комитеті тарифтердің өсуіне мораторий белгіледі.
Ranking.kz тұрғын үй қызметтері секторындағы бағалар динамикасын талдады.
Сегменттерге бөлінген коммуналдық қызмет бағаларының сипаты келесідей:
- суық сумен жабдықтау – минус 0,7%
- ыстық сумен жабдықтау – минус 1,7%
- су тарту – минус 0,8%
- газбен жабдықтау – минус 1,3%
- орталықтан жылыту – минус 0,4%
- электр энергиясының бағасы өзгермеді
Көріп отырғандарыңыздай, жағдай оптимистік сипатта көрінеді.
Ай бойынша динамикада да бәрі жаман емес: шілде айының қорытындысы бойынша коммуналдық қызметтер жыл басына қарағанда 0,3%-ға төмендеді, ал реттелетін коммуналдық қызметтер тіпті 0,9%-ға арзандады.
Тамыз айында тарифтер аздап өсті. Жалпы қымбаттау 0,4%-ды құрады:
- суық судың бағасы 0,6%-ға қымбаттады
- су тарту – 1,2%
- электр энергиясы –1,5%
- газ – 0,1%
Бұл ретте жылыту және ыстық сумен жабдықтау арзандауын жалғастырды.
Коммуналдық қызметтердің бағаларының төмендеуі бағалардың өзгеруінің жалпы динамикасымен салыстырғанда әсіресе әсерлі көрінеді. Іс жүзінде барлық тауарлар мен қызметтер қымбаттады.
Ағымдағы жылдың бірінші тоқсанының қорытындысы бойынша азаматтардың шығыстары бір жылда 17%-ға ұлғайды, ал кірістері 15%-ға ғана өсті.
Коммуналдық қызметтер бағасының өсуін тежеу – қазақстандықтардың қалтасы үшін жақсы көмек болмақ.
