Қолданыстағы заңнама бойынша жұмыссыз ретінде тіркелген азаматтар Мемлекеттік әлеуметтік сақтандыру қорының (МӘСҚ) қаражаты есебінен жәрдемақы алады. Жұмыссыздар үшін төлем мөлшері соңғы 2 жылдағы табыстың 40%-ын құрайды. Төлемдер мерзімі міндетті әлеуметтік сақтандыру жүйесіне қатысу өтіліне байланысты 1 айдан 6 айға дейін түрленеді. Бірақ 2023 жылдың 1 қаңтарынан бастап жұмысынан айрылғандар үшін төлем мөлшері ұлғайтылады.
Шара Әлеуметтік кодекс жобасында қарастырылған және әлеуметтік сақтандыру жүйесін дамытуға бағытталған.
Егер қазір жұмыссыздарға соңғы жұмыс орнындағы табысының 40%-ы төленсе, келесі жылдан бастап алмастыру коэффициенті 45%-ға дейін артады.
Бұл ретте жұмыс берушілердің аударымдарының мөлшері өзгеріссіз қалады. Бірақ әлеуметтік сақтандыру жүйесі оған азаматтардың жаңа санаттарын енгізу есебінен кеңейтілетін болады. Жұмыскерлердің мынадай санаттары енгізілетін болады: азаматтық-құқықтық сипаттағы шарттар бойынша кіріс алатын жеке тұлғалар;
-интернет-платформалар, платформалық жұмыспен қамтудың мобильді қосымшалары арқылы қызмет көрсететін жеке тұлғалар. Бұл ретте интернет-платформа операторы жеке тұлға үшін шарт бойынша алынған табысының 1% мөлшерінде әлеуметтік аударымдар жүргізетін болады.
