Қазақстан Республикасы Тәуелсіздігінің 30 жылдығына орай Ұлттық Банк Нұрсұлтан Назарбаев бейнеленген номиналы 20 000 теңгелік мерейтойлық банкнот шығарды. Купюраның дизайны әлемде алғаш рет қолданылатын бірегей технология бойынша орындалған.
Банкнотаның барлық қырының бойында номиналдың Тәуелсіздіктің 30 жылдығы логотипі мен Мемлекет басшысы қолының голографиялық бейнесі бар металсыздандырылған жолақ орналасқан. Жалпы алғанда, банкнотада 27 қорғаныс элементі бар, ал купюраларда бұрын қолданылып жүрген стиль пайдаланылған.
Беткі жағы
Банкнотаның бет жағында Қазақстан Республикасының Мемлекеттік рәміздері, елдің Тұңғыш Президентінің портреті, Қазақстанның тәуелсіздігі мен мемлекеттілігінің символы ретінде «Қазақ Елі» монументі, «Мәңгілік Ел» триумфалды аркасы, ұлттық ою-өрнегінің фрагменті – «Басқұр», қазақтардың дәстүрлі тұрғын үйін безендіру желісі бойынша «Киіз Үй» бейнеленген.
Банкнотаның сыртқы жағы
Сыртқы бетіндегі негізгі бейнелер – Қазақстан Республикасының Тұңғыш Президенті – Елбасы Н.Ә. Назарбаевтың портреті, Нұр-сұлтан қаласының және Президенттің Ақорда резиденциясының панорамалық көрінісі, Қазақстан Республикасы Тәуелсіздігінің 30 жылдығын мерекелеуге арналған логотиптің бейнесі.
Мерейтойлық банкнота 3 млн дана таралыммен шығарылды. Купюра бүкіл ел бойынша төлем құралы болып табылады. Яғни, ешкім оны төлем ретінде қабылдаудан бас тарта алмайды.
2015 жылғы үлгідегі номиналы 20 000 теңгелік банкноттар да айналымда қалады.
Алдын ала деректер бойынша, банкноттар айналыста 2021 жылғы желтоқсанның бірінші онкүндігінде пайда болады.
ҚРҰБ Kapital.kz: «Осы банкнотаны шығаруға жұмсалатын шығындар басқа банкноталарға жұмсалатын шығыстармен салыстыруға болады. Құны бойынша айырмашылықтары жоқ. Негізгі үлес материалдар мен жұмыстарды сатып алуға, атап айтқанда, банкнотаға суреттер мен қорғаныс элементтерін салуға тиесілі. Банкнотаның дизайнын Ұлттық банктің мамандары әзірледі. Банкноталар мен монеталарды шығару жөніндегі шығыстардың Ұлттық банктің сайтында жыл сайын жарияланатын шоғырландырылған қаржылық жылдық есептілікте көрсетілетінін» атап көрсетеді.
