Біз Сіздің қарыздарыңызды жабамыз, кредит тарихын тазалаймыз, жоғалған ақшаны қайтарамыз. Мәселенің шешімі осы екенін және Сіздің қиналғаныңызды түсінетін мейірімді адам сияқты. Шын мәнінде, егер Сізге кепілдік берілген нәтижемен күрделі мәселені шешуге көмек ұсынылса, онда ол адам дәл осындай мейірімді ме – соны ойлану керек. Мүмкін оған тек Сіздің ақшаңыз керек шығар, ал Сізге көмектесуді жоспарламаған да болар. Алаяқтардың айла-амалдарының қалай жасалғаны туралы АРРФР қаржылық қызметтерді тұтынушылардың құқықтарын қорғау департаментінің директоры Александр Терентьев әңгімелейді.
Қарызды мәселелерді шешемін - кепілді
Егер Сізге сот арқылы шешілетін күрделі мәселені шешуге уәде берілсе, Сіздің алдыңызда ақша десе жанын беретін қаскүнемнің тұрғанын біліңіз.
Александр Терентьев былайша түсіндіреді: «Мысалы, олар «кредитті жабуды» және кредит тарихын тазартуды ұсынды делік. Сыйақы ретінде алаяқтар әдетте қалған қарыздың пайызын сұрайды. Банк пен клиент арасындағы кез келген қарым-қатынас шарт негізінде қалыптасатынын түсіну маңызды. Қалай болғанда да, екі тарап та осы шартты орындауы керек. Сондықтан кредитті қандай да бір жолмен өтемей құтылу мүмкін емес».
Тағы бір кең таралған ұсыныс – кредит тарихы бюросынан және қаржы ұйымдарының деректер базасынан ақпаратты алып тастау. Іс жүзінде бұл да мүмкін емес — ақпарат қорғалған.
Алаяқтар алаяқтармен күресетін болады.
Қаскүнемдер ақпарат арналарын пайдаланады. Егер БАҚ қаржы пирамидасынан зардап шеккендер туралы ақпаратқа толы болса, ал құрбандардың өздері әлеуметтік желілерде сөйлесе, онда алаяқтар осыған орай жанды жерінен қысып, жоғалған ақшаны қайтару бойынша өз қызметтерін ұсынады.
Олар ақшаны қайтаруға әсер ететін тетіктерге ие екенін және Сізге көмектесетінін айтады. Әрине, тегін емес. Содан кейін олар алдын ала төлем алып, онымен із-түссіз жоғалып кетеді.
Александр Терентьев: «Қаржы пирамидасына салынған ақшаның бір бөлігін қайтару өте қиын – бұл нақты заңгерлердің көп уақытын, күші мен еңбегін қажет етеді. Сондықтан қаражатты тез және ауыртпалықсыз қайтару туралы уәде беру – алаяқтықтың сенімді белгісі» дейді.
Өтемақы алыңыз
Жалған заңгерлер адамдарға мемлекеттік жәрдемақылар, субсидиялар, өтемақылар және басқа да мемлекеттік төлемдерді алуға «көмектесуді» жақсы көреді. Зиянкестер төлемді алуға болатындығы туралы ақпарат жібереді, бірақ бұл үшін өтініш ресімдеу керек. Оны жеке жасау мүмкін емес — оған ерекше білім қажет. Алаяқтар қандай да бір ақыға келісе отырып, көмектесуді ұйғарады. Төлемақыны алғаннан кейін олар жоғалып кетеді немесе мағынасы түкке тұрмайтын бланк жібереді.
Жәрдемақыларға байланысты тағы бір қитұрқы әрекет деректер жинауға бағытталған. Зиянкес жәрдемақы тағайындалғанын, бірақ төлемдерді алу үшін жеке деректерді енгізу керек екенін айтады. Осылайша олар карта деректерін жинайды.
Мемлекеттік органдарға жүгіну
Кейбір жалған заң фирмалары өздеріңіз істей алмайсыздар — өтініш қабылданбайды, байланыс қажет деген сылтауға сендіре отырып, мемлекеттік органдарға өтініш ресімдеуді ұсынады.
Шын мәнінде, кез келген азамат билік органдарына шағым, өтініш, наразылықтарын жібере алады. Бұл ретте барлық қызмет толығымен тегін.
Александр Терентьев: «Айтпақшы, жалған заңды кеңселер көбінесе сәтті заңды әріптестер ретінде көрінеді немесе ресми құрылымдарға жататындығы туралы хабарлайды. Олар ұқсас атауларды қолдана алады, тіпті айырмашылықтары аз мемлекеттік органдардың веб-сайттарының клондарын жасай алады» деп түйіндейді.
Алаяқтардың арасында алдаудың тағы бір кең таралған схемасы бар — өзін микроқаржы ұйымы ретінде көрсету. Осылайша зиянкес картадан алынған деректерді қоса алғанда, қарыз алушы туралы толық мәліметтерді алады. Алынған ақпаратты өзі қалағандай пайдалана алады: сату, қарыз ресімдеу, жалған фирма ашу және т. б.
Егер Қазақстанда қарызды онлайн ресімдеу қажет болса, интернеттен өз бетіңізше іздеумен айналыспай, тексерілген компанияға жүгінген дұрыс. Біздің тізілімде ОБ лицензиясы бар МҚҰ сервистері ұсынылған.
